لە کاتی داخستنی بازاڕی دراوەکانی هەرێم ١٠٠ دۆلار بەرامبەر بە ١٥٦ هەزار و ٨٥٠ دینار مامەڵەی پێوە کرا، بەراورد بە کاتی کردنەوەی بازاڕ نزیکی هەزار دینار دابەزیوە.
ئەمڕۆ چوارشەممە، لەکاتی کردنەوەی بازاڕی دراوەکانی هەرێمدا ١٠٠ دۆلار بەرامبەر بوو بە ١٥٧ هەزار و ٧٥٠ دینار و لە ئێستاشدا ٩٥٠ دینار لە بەهاکەی دابەزیوە.
هاوکات هەر ئەمرۆ،
بانکی ناوەندی عێراق لە راگەیاندراوێکدا بڵاویکردەوە، بڕی ٢١٦ ملیۆن دۆلاریان فرۆشتووە،
لەو بڕەش ١٦ ملیۆن و ٤٦٠ هەزار دۆلاری بە شێوەی کاش بووە و بڕی ٢٠٠ ملیۆن و ٣٤٩ هەزار
دۆلاری بە شێوەی حەواڵە بووە.
لە چەند هەفتەی
رابردوودا نرخی دۆلار بەشێوەیەکی بەرچاو نزمبووەوە و ١٠٠ دۆلار بەرامبەر بە ١٥٥ هەزار
مامەڵەی پێوەکرا.
ئەوەش دوای ئەوەهات،
کە ناوی ١٣ بانکی ئەهلی عێراق تۆمارکرا بۆ وەرگرتنی ١٠٠ ملیۆن دۆلار بە نرخی فەرمی
بانکی ناوەندی "کە هەر ١٠٠ دۆلارێک بەرامبەر بە ١٣٢ هەزار دینارە" و لەدوای
وەرگرتنی ئەو بڕە بەشێوەی کاش بخرێتە بازاڕەوە.
ئەمە لەکاتێکدایە،
پێشبینیش دەکرێت لە کۆتای ئەم هەفتەیەدا چەند بانکێکی دیکە پارەدار بکرێن و بەمەش
ئاستی دۆلار تا ئاستێکی بەرچاو سەقامگیر دەبێت.