ئەمینداری گشتی ناتۆ رایگەیاند، پشتگیرییەکان بۆ ئۆکرانیا بەردەوامە و لە کۆبوونەوەی وەزیرانی بەرگری وڵاتانی ناتۆدا جەخت لەسەر بە ئەندامکردنی ئۆکرانیا لە رێکخراوەکەدا کراوەتەوە.
یەنس ستوڵزبێرگ ئەمینداری گشتیی رێکخراوی ناتۆ لە کۆنگرەیەکی رۆژنامەنووسیدا رایگەیاند، پشتگیرییەکانی رۆژئاوا بۆ ئۆکرانیا ناوەستێت.
ئاماژەی بەوەش
کرد، لە کۆتایی ئەمساڵدا ئەڵمانیا بەڵێنی پێشکەشکردنی هەشت ملیۆن یۆرۆی بە ئۆکرانیا
داوە و هۆڵەنداش بەڵێنی پێشکەشکردنی دوو ملیاری داوە و هەروەها رۆمانیا بنکەیەکی مەشقپێکردنی
فڕۆکەی ئێف ١٦ی بۆ فڕۆکەوانەکانی ئۆکرانیا کردووەتەوە.
ئەوەشی خستە روو،
پێویستە نەتەوە یەکگرتووەکان بەرگری ئاسمانی و تەقەمەنی زیاتر بۆ ئۆکرانیا دابین
بکەن بە مەبەستی دامەزراندنی هاوپەیمانی بۆ بەرگری ئاسمانی و لە کۆبونەوەی رۆژی
رابردووی وەزیراندا جەخت لەسەر پشتگیریکردنی ئۆکرانیا و بە ئەندامکردنی ئۆکرانیا لە
رێکخراوی ناتۆ کراوە.
نزیکەی دوو ساڵ
بەر لە ئێستا ئۆکرانیا داواکاری بوون بە ئەندامی لە ناتۆ پێشکەشکرد و روسیاش
هێرشەکانی بۆسەر ئۆکرانیا دەستپێکرد و رایگەیاند، هۆکاری سەرەکی هێرشەکانیان داواکاری
ئەو وڵاتەیە بۆ بوون بە ئەندام لە ناتۆ و ئەگەر داواکارییەکەیان بکشێننەوە جەنگ کۆتایی دێت،
بەڵام ئۆکرانیا رەتیکردەوە و ئاماژەی بەوەدا، ئەوان وڵاتێکی ئازادن و خۆیان بڕیار
لە داهاتووی خۆیان دەدەن.