AM:11:04:29/11/2023
1436 جار خوێندراوەتەوە
کەشناسی هەرێم رایگەیاند، ئەمڕۆ ئاسمان ساماڵ و پەڵەهەور دەبێت و پلەکانی گەرما کەمێک نزم دەبنەوە و بۆ ئەمڕۆ ساردترین ناوچەی هەرێم بە ٥ پلەی سیلیزی؛ حاجی ئۆمەران دەبێت.
ئەمڕۆ چوارشەممە، بەڕێوەبەرایەتی گشتی کەشناسی و بومەلەرزەزانی هەرێم راگەیەندراوێكی بڵاوکردەوە و تێیدا هاتووە، ئەمڕۆ بە گشتی ئاسمان ساماڵ و پەڵە هەور دەبێت و دواتر دەگۆڕێت بۆ نیمچەهەور.
ئاماژەی بەوەش
کرد، پلەکانی گەرما بەراورد بە تۆمارکراوەکانی رۆژی رابردوو کەمێک نزم دەبنەوە.
لە بارەی کەشی
سبەینێوە باسی لەوە کرد، پێنجشەممە ئاسمان پەڵەهەور دەبێت و دواتر بۆ هەوری تەواو
دەگۆڕێت و پلەکانی گەرما بە بەراورد بە تۆمارکراوەکانی ئەمڕۆ یەک بۆ دوو پلە بەرز
دەبنەوە.
بەرزترین پلەکانی
گەرمای پێشبینیکراو بە پلەی سیلیزی بۆ ئەمڕۆ بەمجۆرە دەبن:
هەولێر : ١٤
سلێمانی : ١٣
دهۆک : ١٥
کەرکوک : ١٥
هەڵەبجە : ١٥
زاخۆ: ١٦
گەرمیان : ١٩
حاجی ئۆمەران: ٥
سۆران : ١٣
