تەندروستی غەززە لە راگەیەندراوێکدا بڵاوی کردەوە، ژمارەی گیانلەدەستدان بەهۆی هێرشەکانی ئیسرائیلەوە بۆ زیاتر لە حەوت هەزار کەس بەرزبووەتەوە و هاوکات دوو هەزار و ٩١٣ کەسیان منداڵن.
شەڕی ئیسرائیل و حەماس زیاتر نزیک دەبێتەوە لە سێ هەفتە و تەندروستى فەڵەستین رایگەیاند، بەهۆی هێرشەکانی ئیسرائیلەوە ژمارەی گیانلەدەستدان بۆ حەوت هەزار و ٢٨ کەس بەرزبووەتەوە.
ئاماژەی بەوەش کرد، لەنێو ئەو کەسانەی گیانیانلەدەستداوە
دوو هەزار و ٩١٣ کەسیان منداڵن کە دەکاتە رێژەی ٤٠٪ـی ئەوانەی گیانیان لەدەستداوە.
لای خۆشیەوە ئیسرائیل بۆ جاریی دووەم داوای لە هاوڵاتیانی
باکوری غەززە کرد بە زووترین کات شارەکە چۆڵبکەن چونکە هەتاکو بارمتە ئیسرائیلییەکانی ژێر دەستی حەماس نەگێڕنەوە پیشڕەوییەکانیان بۆ
سەر کەرتی غەزە ناوەستێنن.
هاوکات نێردەی تایبەتی ئەمریکا بۆ پرسە مرۆییەکان لە ڕۆژهەڵاتی
ناوەڕاست رایگەیاند، پێویستە بە خێرایی هەنگاو بنێن بۆ ئەوەی هاوکارییە مرۆییەکان پێشکەشی غەززە بکەن، بەبێ ئەوەی بکەوێتە دەستی حەماس.
ئەمەش لە کاتێکدایە، لە رۆژی ٧ـی تشرینی یەکەمەوە لە دوای
هێرشێکی چەکدارانی حەماس بۆ سەر ئیسرائیل جەنگی نێوان فەڵەستین و ئیسرائیل دەستیپێکردوە و لە هەردوولا بە هەزاران
کوژراو و بریندار هەیە، هاوکات نەتەوەیەکگرتووەکان داوای دەستبەجێ ئازادکردنی
بارمتە ئیسرائیلییەکان و وەستاندنی جەنگەکە دەکات.