سەرۆک وەزیرانی ئیسرائیل و سەرۆکی حزبی ئۆپۆزسیۆنی سەرەکی وڵاتەکە بڕیاریاندا حکومەتێکی فریاگوزاری بۆ بەڕێوەبردنی جەنگ پێکبهێنن.
ئەمڕۆ چوارشەممە، هەریەکە لە بنیامین ناتانیاهۆ سەرۆک وەزیرانی ئیسرائیل و بینی گانتس، سەرۆکی حزبی ئۆپۆزسیۆنی سەرەکی وڵاتەکە، لەسەر پێکهێنانی حکومەتێکی نوێی فریاگوزاری بۆ بەڕێوەبردنی جەنگی وڵاتەکە رێککەوتن.
هاوکات، حکومەتە نوێیەکە شانبەشانی حزبی ئۆپۆزسیۆن و سەرۆک وەزیرانی ئیسرائیل
و یۆئاف گالانت وەزیری بەرگریی ئیسرائیل و دوو بەرپرسی باڵای تر وەک ئەندامی چاودێریکردن
پێکدەهێنرێت.
باس لەوەش کراوە، تاوەکو شەڕەکە بەردەوام بێت ئەو حکومەتە نوێیە هیچ یاسا و
بڕیارێکی پەیوەست بە شەڕەوە دەرناکات.
ئەمە لەکاتێکدایە، ماوەی پێنج ڕۆژە گرژی و ئاڵۆزییەکانی نێوان ئیسرائیل و
فەلەستین بەردەوامە و بەپێی دوایین ئامار تا ئێستا لە هەردوولا زیاتر لە دوو هەزار و ٢٥٠ گیانیان لەدەست داوە
و زیاتر لە هەشت هەزار کەسیش بریندار بوون.