بەهۆی هێرشە موشەکییەکانی نێوان ئیسرائیل و فەڵەستین زۆرینەی هێڵە ئاسمانییەکان گەشتەکانیان بۆ تەلئەبیبی پایتەختی ئیسرائیل ڕاگرت، جگە لە گەشتە بازرگانییەکان.
میدیا جیهانییەکان بڵاویان کردەوە، لە دوای دەستپێکردنی گرژی و ئاڵۆزییەکانی نێوان فەڵەستین و ئیسرائیل و بەکارهێنانی موشەک دژی یەک، دەستبەجێ هێڵە ئاسمانییە جیهانییەکان دەیان گەشتیان بۆ تەلئەبیب هەڵوەشاندەوە.
ئاماژەیان بەوەش کرد، بە هۆی ئەو گرژی و ئاڵۆزییانەوە،
هێڵە ئاسمانییەکانی ئەمریکا و ئێر فەڕەنسا و لوفتانزا لەگەڵ ئیمارات و رایان ئێر،
لە بەناوبانگترین ئەو هێڵە ئاسمانییانەن کە گەشتەکانیان بۆ تەلئەبیب راگرتوە.
ئەوەشیان خستەڕوو، تەنها گەشتە ئاسمانییە
بازرگانییەکانیان بەردەوامییان هەیە لەگەڵ دووەم فڕۆکەخانەی نێودەوڵەتیی ئیسرائیل
لە ئیلات، ئەویش بەو پێیەی ناوچەی ئیلات دەکەوێتە سەر دەریای سوور و لە زۆنی جەنگدا نییە.
ئەمەش لەکاتێکدایە، سەر لە بەیانی رۆژی شەممە،
گروپە چەکدارەکانى کەرتى غەزە لە ماوەیەکى کەمدا زیاتر لە پێنج هەزار موشەکیان
ئاراستەى ناوچەکانى باشوور و ناوەڕاستى ئیسرائیل کرد و بە سەدان سەربازیان چونە
ناو ئیسرائل و تاوەکو ئێستاش گرژییەکان و موشەکباران لە نێوان ئەو دوو وڵاتە بەردەوامن.