PM:11:52:07/10/2023
3648 جار خوێندراوەتەوە
سەرۆکایەتی بەرازیل رایگەیاند: کۆبونەوەی نائاسایی ئەنجومەنی ئاسایشی نێودەوڵەتی بەڕێوەدەچێت بە مەبەستی تاوتوێکردنی گرژی و ئاڵۆزیەکانی نێوان هێزەکانی ئیسرائیل و هێزە چەکدارەکانی حەماسی فەڵەستین.
سەرۆکایەتی بەرازیل راگەیەنراوێکی بڵاوکردەوە تێیدا هاتوە، بەمەبەستی رێگریکردن لە تەشەنەسەندنی زیاتری گرژی و ئاڵۆزیەکانی نێوان هێزەکانی ئیسرائیل و هێزە چەکدارەکانی حەماسی فەڵەستینی، کۆبونەوە ئەنجام دەدەن و سەرکۆنەی ئەو هێرشە دەکەن لەلایەن هێزەکانی حەماسی فەڵەستینییەوە هەڵگیرساوە دژ بە ئیسرائیل.
هاوکات میدیاجیهانیەکان باسیان لەوە
کردوە، تا ئێستا نزیکەی ٢٠٠ کەسی دانیشتوی ئیسرائیل کوژراون و زیاتر لە ١٠٠٠ کەسیش برینداربوون.
لە لایەکی دیکەشەوە، لە ئەنجامی هێرشە پێچەوانەکانی ئیسرائیلیەوە بۆ سەر فەڵەستینیەکان
زیاتر لە ٢٣٠ کەس کوژراون و نزیکەی ٢٠٠٠ کەسیش
برینداربوون.
ئەمەش لە کاتێکدایە بەرەبەیانی شەممە هێزەچەکدارەکانی حەماسی فەڵەستینی لە
رێگەی سەدان موشەکەوە ئیسرائیلیان بۆردۆمانکرد و خاڵی پشکنینی ئەو وڵاتەیان شکاند
و رووبەڕووبونەوە ڕوویدا.
