PM:02:25:30/09/2023
2236 جار خوێندراوەتەوە
پارێزگاری هەولێر رایگەیاند، بەپێی پێشبینییەکانی کەشناسی لە زستانی ئەمساڵدا رێژەی بارانبارین زیاد دەکات. دەشڵێت، " ئامادەکارییەکانمان بۆ رێگریکردن لە دروستبوونی لافاو دەستیپێکردووە."
ئەمڕۆ شەممە، ئومێد خۆشناو پارێزگاری هەولێر لە کۆنفڕانسێکی رۆژنامەنووسیدا ئەوەیخستەڕوو، لە زستانی ئەمساڵدا رێژەی باران بارین زیاد دەکات و چەند رێکارێکی پێویستیان بۆ رێگریکردن و کەمکردنەوەی مەترسییەکانی دروستبوونی لافاو گرتووەتەبەر.
ئاماژەی بەوەشکرد، ماوەی مانگێکە هەڵمەتێکیان بە
بڕی ٤١٠ ملیۆن دینار لەسەر بودجەی بەڕێوەبەرایەتی
ئاودێری هەولێر بۆ پاکردنەوەی ٥٥ کیلۆمەتر
لە رێڕەوی سروشتی کە بەهۆی کەمی خزمەگوزارییەوە مەترسی دروستبوونی لافاوی لەسەرە دەستپێکردووە.
ئەمە لەکاتێکدایە، ماوەی چەند ساڵێکە بە هۆی
بارانبارینەوە لە وەرزی زستاندا لافاو لە زۆربەی گەڕەکەکانی شاری هەولێردا دروستبووە و زیان بە ماڵی هاوڵاتیان گەیشتووە و مەترسی لەسەر ژیانیان دروستکردووە.
