بزوتنەوەی ئیسلامی کوردستان رایگەیاند، بڕیارە ئەمرۆ شەممە بە بەشداری دوو هەزار کەس ١٢یەمین کۆنگرەی بزوتنەوەکە بەڕێوەبچێت.
ئەمڕۆ شەممە، بزوتنەوەی ئیسلامی کوردستان لە راگەیەنراوێکدا بڵاویکردەوە، ئاگاداری سەرجەم ئەندامانی کۆنگرەی دامەزراندنی بزووتنەوەی ئیسلامی دەکەنەوە، ئەمڕۆ ڕۆژی شەممە کۆنگرەی دامەزراندن وەک یاسایەکی پارتە سیاسییەکان و کۆمسیۆن لە شاری سلێمانی بەڕێوەدەچێت.
ئاماژەی بەوەشکرد، ئاگاداری
سەرجەم ئەندامانیان دەکەنەوە بەپێی رێنماییەکانی کۆمسیۆنی هەڵبژاردن و رێنمایی
لیژنەی باڵای کۆنگرە ئامادەکارییەکان جێبەجێ کراون و داوا لە ئەندامانیان دەکەن لە
شوێنی دیاریکراو و لە کاتی دیاریکراو ئامادەبن.
ئەوەشی خستەڕوو، هەموو
پلانەکانی لە ناوبردنی بزوتنەوەی ئیسلامی شکستی هێناوە، تا ئێستا ١١ کۆنگرەیان
بەستووە و سەرجەمیان سەرکەوتوو بوون.
لاى خۆیەوە
عیرفان عەبدولعەزیز رابەرى بزوتنەوەی ئیسلامی لە پەیامێکى ڤیدیۆییدا رایگەیاند، کۆنگرەى ئەمجارە
نا ئاساییە و لەسەر داواکارى کۆمسیۆنە و پێشتر بەهۆى بارودۆخ و لەمپەرەکانەوە نەتوانراوە
ئەنجام بدرێت.
بزوتنەوەی ئیسلامی كوردستان، لە ساڵی ١٩٨٧ بەسەركردایەتی
عوسمان عەبدولعەزیز لە وڵاتی ئێران راگەیاندرا و یەكەم حزبی سیاسی ئیسلامی چەكدارە
كە لە باشوری كوردستان دامەزراوە.