پەرلەمانتارێکی فراکسیۆنی نەوەی نوێ لە پەرلەمانی عێراق رایگەیاند، یەکێتی و پارتی دەیانەوێت بە دابەشنەکردنی مووچە وا لە بەغدا بکەن پارەی مووچەی ھەرێم رابگرێت و نەینێرێت.
رۆژی سێشەممە، رێبوار ئەورەحمان پەرلەمانتاری نەوەی نوێ لە پەرلەمانی عێراق لە راگەیاندراوێکدا ئاماژەی بەوەکرد، بەغدا بەمەرجی دابەشکردنی مووچە پارە بۆ ھەرێم دەنێرێت و یەکێتی و پارتیش بە دابەشنەکردنی مووچە ئەو مەرجە دەشکێنن.
ئەوەشی خستووەتەڕوو، حکومەرپارەی پێویستی بۆ دابەشکردنی دوو موچە و زیاتریشی لەبەردەستدایە.
باسی لەوەشکردووە، بە وتە و دانپێدانانی حکومەتی
کاربەڕێکەر داهاتی ناوخۆ زیاتر لە ٣٢٠ ملیار دینارە و بەپێی زانیارییەکانی ئەوان داهاتی
ناوخۆ زۆر لەو بڕە زیاترە کە ئاشکرا کراوە و سێ مانگە داهاتی ناوخۆ لای حکومەتی کاربەڕێکەرە
و نەیداوە بە بەغدا.
دەشڵێت،
کۆی ئەو پارەیە لە ئێشتادا لەبەردەست حکومەتی کاربەڕێکەردایە ترلیۆنێک و ٤٩٩ ملیار دینارە کەچی
دوای سێ مانگ دابەش نەکردنی مووچە، هێشتا یەک مووچە بە ١٠ رۆژ دابەش دەکەن، لەکاتێکدا
پێشتر مانگ هەبووە تەنها لە سێ رۆژدا مووچەیان دابەش کردوە.