بەپێی ئەو زانیارییانەی دەست دیجیتاڵ میدیای ئێن ئاڕ تی کەوتوە، کرێکارێک بەهۆی کەوتنەخوارەوەی لە نهۆمی سێیەمی باڵەخانەیەک لە کاتی کارکردن لە پرۆژەی شاری دایک لە سلێمانی گیانی لەدەستدا.
رۆژی دووشەممە، بەپێی زانیارییەکانی ئێن ئاڕ تی، کرێکارێک بەهۆی کەوتنەخوارەوەی لە نهۆمی سێیەمی باڵەخانەیەک لەکاتی کارکردندا لە پرۆژەی شاری دایک لە سلێمانی گیانی لەدەستدا.
بەپێی زانیارییەکان، ئەو
کرێکارە ناوی 'دیار ئەحمەد رۆستەمە' و خەڵکی وارماوایە و تەمەنی ٣٤ ساڵە و خاوەنی دوو منداڵە.
ئاماژە
بەوەشکراوە، ئەو کرێکارەی گیانی لەدەستداوە پیشەی پێشمەرگەیە و بەهۆی وەرنەگرتنی موچەوە بۆ ماوەی سێ مانگ بۆ
دابینکردنی بژێوی ژیانی سەرقاڵی کرێکاری بووە.
هاوکات، سەندیکای کرێکاران لە سلێمانی رایگەیاند، لەمساڵدا ١٨ کرێکار لەکاتی کارکردن لە پرۆژەکانی نیشتەجێبوون گیانیان لەدەستداوە و سێ
کرێکاریان هەر لەم مانگەدا گیانیان لەدەستداوە.
ئەوەشی
خستەڕوو، ژمارەیەکی زۆری ئەو کرێکارانەی گیانیان لەدەستداوە موچەخۆری حکومەتن و
بەهۆی دواکەوتنی موچەوە کرێکاری دەکەن و تەنها ٥٪ی کرێکارەکان گرێبەستیان لە شوێنی
کارکردنیان هەیە و ٩٥٪یان گرێبەستیان نییە.
گۆران لوقمان - سلێمانی