سەرۆکی ئەنجومەنی پارێزگای سلێمانی بە دیجیتاڵ میدیای ئێن ئاڕ تی راگەیاند، بڕیاری هەڵوەشاندنەوەی ئەنجومەنەکە لەلایەن دادگای فیدراڵییەوە ئاساییە و پابەندی ئەو بڕیارەش دەبن.
ئەمڕۆ یەکشەممە، ئازاد حەمە ئەمین سەرۆکی ئەنجومەنی پارێزگای سلێمانی بە ئێن ئاڕ تی راگەیاند، پابەندی بڕیارەکەی دادگای فیدراڵی دەبن.
ئەمڕۆ، دادگای باڵای فیدراڵی لەسەر سکاڵایەکى نەوەى نوێ سەبارەت بە دواخستنى
هەڵبژاردنى ئەنجومەنى پارێزگاکان لە هەرێم و درێژکردنەوەى ماوەکەیان کۆبووە.
دادگا بڕیاریدا بە هەڵوەشاندنەوەی
ئەنجومەنی پارێزگاکانی هەرێم و بەوپێیەش دەبێت ئەندامانی ئەو ئەنجومەنە مووچەی
پێنج ساڵیان بگەڕێننەوە.
رۆژى
٣٠ـی ئایاری ئەمساڵ دادگاى فیدراڵى لەسەر سکاڵایەکى نەوەى نوێ درێژکردنەوەى ماوەى
پەرلەمانى کوردستانى هەڵوەشاندەوە.