PM:10:09:23/09/2023
2708 جار خوێندراوەتەوە
راگەیاندنی هاتوچۆی گەرمیان بڵاوی کردەوە، بەهۆی روداوێکی هاتوچۆ لە جۆری وەرگەڕان لەسەر رێگای کەلار-مەرزی پەروێزخان کەسێک گیانی لەدەستدا و دوو کەسی دیکەش بریندارن.
رۆژی شەممە، بەرێوبەرایەتی هاتوچۆی گەرمیان رایگەیاند؛ لە روداوێکی هاتوچۆدا لەجۆری وەرگەڕان لەسەر رێگای کەلار-مەرزی پەروێزخان لە نزیک گوندی حەوش کوڕ ئۆتۆمبێلیک لە جۆری نیسان وەرگەڕا.
ئاماژەی بەوەشکرد، لە ئەنجامی رووداوەکەدا یەکێک لە
سەرنشینەکانی ئەو ئۆتۆمبێلە کە تەمەنی ٢٨ ساڵە گیانی لەدەستدا و دوو کەسی دیکەش
بریندار بوون.
ئەوەشی خستەڕوو، ئۆتۆمبێلەکە لە مەرزی نێودەوڵەتی
پەروێزخانەوە بە ئاڕاستەی شاری کەلار رۆشتووە بەهۆی لەدەستدانی کۆنترۆڵەوە وەرگەڕاوە
و تیمەکانی هاتوچۆ گەشتونەتە شوێنی رووداوەکە و لێکۆڵینەوە بەردەوامە.
