PM:06:59:22/09/2023
7152 جار خوێندراوەتەوە
وەزارەتی بازرگانی هەرێم رایگەیاند، ١٧٨ ملیار و ٢٤ ملیۆن و ١٩٦ هەزار دینار لە شایستە داراییەکانی جوتیاران ماوە بگاتە هەرێم و لە ئایندەیەکی نزیکدا دەنێردرێت و دابەشدەکرێت بەسەر جوتیاراندا.
رۆژی هەینی، وەزارەتی بازرگانی هەرێم لە راگەیەندراوێکدا بڵاویکردەوە، تا ئێستا لەکۆی ٤١١ ملیار و ٢٤ ملیۆن و ١٩٦ هەزار دینار لە پارەی گەنمی جوتیاران بۆ ئەمساڵ تەنها بڕی ٢٣٣ ملیار دینار گەیشتووەتە هەرێم و بەپێی رۆژی وەرگرتنی گەنمەکانیان بەسەر جوتیاراندا دابەش دەکرێت.
ئاماژە بەوەشکراوە، لە ئایندەیەکی نزیکدا بڕی ئەو شایستە
داراییەی جوتیاران کە ماوە بەبڕی ١٧٨ ملیار و ٢٤ ملیۆن و ١٩٦ هەزار دەگاتە هەرێم و
دەخرێتە سەر هەژماری بانکی وەزارەتی بازرگانی و پیشەسازی و پاشان بەسەر جوتیاراندا
دابەشدەکرێت.
ئەمە لەکاتێکدایە،
لەم ساڵدا ٥٠٠ هەزار تۆن گەنم رادەستی سایلۆکانی عێراق کراوە بە بەهای ٤٠٠ ملیار و
٢٣ ملیۆن و ٦٩ هەزار دینار کە تائیستا نزیکەی ١٢٦ ملیار دینار بۆ جوتیارانی هەرێمی
کورستان ڕەوانە کراوە.
