سەرۆکانی چین و سوریا لێکتێگەیشتنێکی ستراتیژییان واژۆکرد و چین رایگەیاند، پاڵپشتی سەروەری خاکی سوریا و دەستوەرنەدانە کاروبارەکانی ئەو وڵاتە دەکەن.
رۆژی هەینی، شی جین پینگ سەرۆکی چین و بەشار ئەسەد سەرۆکی سوریا کۆبوونەوە و باسیان لە نزیکبوونەوەکانی ئەو دوو وڵاتە کرد و لێکتێگەیشتنێکی ستراتیژیان بۆ بنیادنانەوەی سوریا واژۆکرد.
لە کۆبوونەوەکەدا، بەشار ئەسەد
داوای هاوکاری لە چین کرد بۆ بنیادنانەوەی وڵاتەکەی کە بەهۆی جەنگێکی ٢٢ساڵەوە وێران
بووە، سەرۆکی چینیش هاوکاری و هاوسۆزی خۆی بۆ سوریا دەربڕی و بڕیاریدا هاوبەشییەکی
ستراتیجی لەگەڵ ئەو وڵاتە واژۆ بکات.
شی جین پینگ سەرۆکی چین لە
کۆبوونەوەکەدا، بەڵێنی بە سەرۆکی سوریا دا هەموو هەوڵێکیان دەخەنە گەڕ بۆ پاراستنی
سەروەری ئەو وڵات.
ئەمەش لەدوای ئەوەدێت، رۆژی
پێنجشەممە، بەشار ئەسەد سەرۆک کۆماری سوریا و هاوسەرەکەی و شاندێکی باڵای ئەو وڵاتە
بە سەردانێکی فەرمی گەیشنە وڵاتی چین.
چین و سوریا هاوپەیمانێکی نزیکی
یەکن، سوریا بە بایەخەوە لە چین دەڕوانێت، ئەمەش بەوپێیەی بۆیەکەمجار چین لە ساڵی
١٩٤٦ـدا دانی بە سەربەخۆیی سوریادا نا و پەیوەندی دیپلۆماسی نێوان ئەو دوو وڵاتە لە
١ی ئابی ١٩٥٦وە دامەزراوە، لەو کاتەوە تا
ئێستا سوریا باڵیۆزخانەی لە پەکینی پایتەختی ئەو وڵاتە هەیە.