AM:11:48:21/09/2023
53824 جار خوێندراوەتەوە
ئەندامێکی مەکتەبی سیاسی یەکێتی بە ئێن ئاڕ تی رایگەیاند؛ پێویستە هەموو لایەنەکان یەک دەنگ بن چونکە لە پێشتردا ناکۆکیمان تاقیکردووەتەوە تەنها زیان و ئەنجامی خراپی هەبووە بۆ میللەت و دەسەڵات.
رۆژی پێنجشەممە، سەعدی ئەحمەد پیرە ئەندامی مەکتەبی سیاسی یەکێتی لە لێدوانێکدا بۆ ئێن ئاڕتی رایگەیاند؛ ناکۆکی و ناڕیزیمان لە نێوان لایەنەکان تاقیکردووەتەوە و ئەنجامی خراپی هەبوو بۆ میللەت و دەسەڵات.
ئاماژەی بەوەشکرد، هەر کاتێک کورد یەک ریزی نێوان خۆی تێکدابێت زیانی بەر
خۆی و دەوروبەری گەیاندووە بۆیە پێویستە لە ئێستادا لایەنەکان یەک ریز و یەک
دەنگ بن.
ئەوەشی خستەڕوو، حکومەتی هەرێم حکومەتێکی هاوبەشە لە نێوان لایەنەکان بۆ
دابینکردنی یەک ریزی پێویستە بە هاوبەشی کاربکرێت و وتیشی؛ "حەمەد کۆینە و
خاون تفەنگی خۆینە." بەو مانایەی هەر لایەنێک تەنها خۆی بە دەسەڵاتدار بزانێت
ئەوا بارودۆخەکە تێک دەچێت.
