PM:04:01:20/09/2023
7820 جار خوێندراوەتەوە
سەرۆکی حکومەتی کاربەڕێکەری هەرێم رایگەیاند، سەبارەت بە مووچە و شایستە داراییەکانی هەرێمی کوردستان بە وردی پێشنیار و چارەسەری لەپێشینە و درێژخایەنمان بۆ دابینکردنی مووچە خستووەتەروو کە جێگەی ڕەزامەندی لایەنە عێراقیەکان بووە و دەشڵێت " لەگەڵ گەیشتنی ٧٠٠ ملیارەکەی بەغداد دەست بە دابەشکردنی موچەش دەکرێت".
مەسرور بارزانی سەرۆکی حکومەتی کاربەڕێکەری هەرێم لە بڵاوکراوەیەکدا رایگەیاند، وەزارەتی دارای و ئابووریمان ڕاسپاردوە کە لەگەڵ گەیشتنی یەکەم گوژمەی پارەکە کە ٧٠٠ ملیار دینارە، لەلایەن وەزارەتی دارایی حکومەتی فیدراڵەوە بە بێ دواکەوتن دەست بە دابەشکردنی مووچەی مانگی تەممووزی مووچەخۆرانی هەرێم بکرێت.
ئاماژەی بەوەکرد، هەرگیز سازش لە سەر ماف و شایستە دەستوورییەکانی
خەڵکی کوردستان ناکەین و لە پێناو دابینکردنی مووچەی مووچەخۆران لە رێگای شاندێکی
باڵای ئەنجومەنی وەزیران بە پشت بەستن بە دەسەڵات و مافە دەستووریەکان کە بە وردی
پێشنیاری چارەسەری درێژخایەنمان بۆ دابینکردنی مووچە خستەڕوو کە جێگەی ڕەزامەندیی
لایەنە عێراقیەکان بووە.
لە هەفتەی رابردودا سەرۆک وەزیران و جێگری سەرۆک وەزیرانی
ماوە بەسەرچو بەمەبەستی گفتوگۆ و ئەنجامدانی ژمارەیەک کۆبوونەوە لە بەغداد رایانگەیاندبوو،
هەرێمی کوردستان مەبەستییەتی لەگەڵ حکوومەتی فیدراڵ بگاتە ئەنجام و خەڵکی هەرێمی
کوردستان وەک هەموو ناوچەکانی دیکەی عێراق شایستە داراییەکانیان و لەنێویاندا مووچەیان
پێبدرێت.
