AM:11:28:19/09/2023
3484 جار خوێندراوەتەوە
بەپێی زانیارییەکانی دیجیتاڵ میدیای ئێن ئاڕ تی، پاش وەرگرتنی دوو نموونە لەو ئاوەی لە زێی بچوکەوە لەڕێگەی هێڵی یەک و دووی دوکانەوە دەگاتە دەست دانیشتوانی شاری سلێمانی و دەوروبەری دوای پشکنین دەرکەوت کە شیاوی خواردنەوە نییە.
بەپێی زانیارییەکانی ئێن ئاڕ تی، بەپشت بەستن بە ئەنجامی ئەو پشکنینانەی کە لە تاقیگەیەکی خۆراک و ئاو بۆ دوو نمونەی ئاو ئەنجامدرا کە یەکیان ئاوی دوکانە و ئەوی دیکەیان ئاوی یەکێکە لە ماڵەکانی سلێمانی دەرکەوت بونی رێژەی بەکتریا لە ئاوەکەدا لەبڕی ئاسایی خۆی کە لەنێوان ٠-١٠٠ دایە زیاترە.
بەپێی ئەنجامی پشکنینەکان لە ئاوی دوکاندا
دەرکەوتوە ٢٤٨ جۆر بەکتریا هەیە و لە ئاوی بەلوعەی ماڵانیشدا ١٣٩ جۆر بەکتریای تێدایە
و بەوپێیەش ئاوەکە شیاوی خواردنەوە نییە.
دیاری عەلی پسپۆڕی سەرچاوە ئاوییەکان لە لێدوانێکیدا بۆ ئێن ئاڕ تی باسی لەوەکرد، زۆربەی نەخۆشییەکانی
وەک کۆلێرا لەڕێگەی ئاوی پیسەوە بۆ هاوڵاتیان دەگوازرێتەوە و زیانیان پێدەگەیەنێت.
بەگوێرەی بەدواداچونەکانی دیجیتاڵ میدیای ئێن
ئاڕ تی ئەوەش خراوەتەڕوو، ئاوی خواردنەوە وەک پێویست پاڵاوتنی بۆ ناکرێت و ئەو کلۆرەشی
بۆ خاوێنکردنەوەی دەکرێتە ئاوەکەوە بەپێی ستاندارد و شێوازی زانستی نییە، هاوکات ئەو
بۆریانەی ئاوی پێدا دەگوازرێتەوە لەماددەی ئاسن دروست کراون کەبەشێکی زۆری وڵاتان بەر لەسەدەی ٢١ هێڵەکانی
دابەشکردنی ئاویان کردووە بەپلاستیک، بۆ پاککردنەوەی ئاوەکانیشیان پشت بەئۆزۆن و تیشکی
سەروو وەنەوشەیی دەبەستن.
