PM:12:37:16/09/2023
3908 جار خوێندراوەتەوە
بەپێی ئەو زانیاریانەی دیجیتاڵ میدیایی ئێن ئاڕ تی لە وتەبێژی پۆلیسی سلێمانییەوە دەستی کەوتووە، لە شاری سلێمانی لە یەکێک لە باڵەخانە تازە دروستکراوەکاندا بەهۆی نەبونی رێکاری تەندروستییەوە کرێکارێک لە نهۆمی ٦ـەوە کەوتە خوارەوە ودەستبەجێ گیانی لەدەستدا.
وتەبێژی پۆلیسی سلێمانی لە لێدوانێکیدا بۆ ئێن ئاڕ تی ئاماژەی بەوەکرد، کرێکارێک لە کاتی کارکردندا لە نهۆمی ٦ـەوە لە یەکێک لە باڵەخانە تەواو نەکراوەکاندا لە شاری سلێمانی کەوتە خوارەوە و گیانی لەدەستدا.
ئاماژەی بەوەشکرد، کرێکارەکە خەڵکی رۆژهەڵاتی کوردستانە و تەمەنی ٢٥
ساڵە بەمەبەستی کارکردن هاتووەتە شاری سلێمانی.
شایەتحاڵێکی رووداوەکە بە ئێن ئارتی رایگەیاند، لە پرۆژەکەدا
هیچ رێکارێکی تەندروستی نەگیراوەتەبەر و چەند جارێک کرێکارەکان بەهۆی نەبونی
ئامرازی پاراستن و تەندروستی کرێکارەکان لە مردن نزیک بونەتەوە.
ڤینە مۆفەق- سلێمانی
