AM:11:06:15/09/2023
29324 جار خوێندراوەتەوە
وەزیری وزەی تورکیا رایگەیاند، بۆرییەکانی گواستنەوەی نەوت لەنێوان هەرێم و تورکیادا چاکسازیان تێدا کراوە و بەم نزیکانە دەست بە هەناردەکردنی نەوتی هەرێم دەکرێتەوە.دەشڵێت، "دابەشکردنی داهاتی نەوتی فرۆشراو بە تورکیا پەیوەندی بە حکومەتی کاربەڕێکەری هەرێم و حکومەتی ناوەندەوە هەیە."
رۆژی هەینی ئاڵپ ئەرسەلان وەزیری وزەی تورکیا لە کۆنفرانسێکی رۆژنامەنوسیدا ئەوەی خستەڕوو، رووپێوی بۆری هەناردەکردنی نەوتی هەرێم چاکسازی تێدا کراوە و بەم نزیکانە لە رووی تەکنیکیەوە ئامادە دەبێت بۆ کارکردن و دەست بە هەناردەکردنی نەوت دەکرێتەوە.
ئاماژەی بەوەشکرد، خەمڵاندنی زیانەکانی راگرتنی
هەناردەکردنی نەوتی هەرێم و پێدانی ئەو قەرەبووەی دادگای پاریس دیاریکردووە بۆ
تورکیا گرنگە و ئەگەر پێویست بکات
لەبەرامبەر دادگاش پارێزگاری لە خۆیان دەکەن.
ئەوەشی خستەڕوو، سازان لەسەر
چۆنیەتی دابەشکردنی داهاتی هەناردەکردنی نەوت ئەرکی حکومەتی ناوەند و حکومەتی کاربەڕێکەری
هەرێمە.
لە ٢٥ـی ئازاری ئەمساڵ دادگای
پاریس هەناردەکردنی نەوتی هەرێم بە نادەستووری لەقەڵەمدا و دواتر هەناردەکردنی
نەوت بۆ تورکیا راگیرا و تا ئێستاش دەستی پێنەکردووە.
