وتەبێژی وەزارەتی دەرەوەی ئەمریکا بە ئێن ئاڕ تی راگەیاند، بەردەوام داوا لە هەرێم و عێراق دەکەن کێشەی بودجە بەجۆرێک چارەسەر بکەن کە سوودی بۆ هاوڵاتییانی عێراق هەبیت.
رۆژی هەینی، ماتیۆ میلەر وتەبێژی وەزارەتی دەرەوەی ئەمریکا بە ئێن ئاڕتی راگەیاند، بەرپرسانی ئەمەریکا بەردەوام داوا لە بەرپرسانی عێراق و هەرێم دەکەن کێشەی بودجە چارەسەر بکەن.
ئاماژەی بەوەشکرد، پێوستە چارەسەری کێشەکان
لە چوارچێوەی دەستور و یاسای بودجە و لە بەرژەوەندی هاوڵاتیانی عێراقدا بن.
ئەمەش لە کاتێکدایە، بەهۆی
پابەندنەبوونی هەرێم بە ناردنی نەوت و داهاتی ناوخۆ وەک ئەوەی لە یاسای بودجەدا
هاتووە بەغداد رەتی دەکاتەوە پشکی هەرێم رەوانەبکار و لە ماوەی رابردوودا ٥٠٠
ملیار دیناری وەک قەرز بۆ هەرێم نارد تا موچەی پێدابەشبکات، بەڵام حکومەتی
کاربەڕێکەری هەرێم ئەو پارەیەی رەتکردەوە و باسی لەوەکرد، ئەو بڕە پارەیە کەمە و
بەشی دابەشکردنی موچە ناکات.
دوێنێ مەسرور بارزانی سەرۆکی حکومەتی
کاربەڕێکەری هەرێم سەردانی بەغدادی کرد و لەگەڵ محەمەد شیاع سودانی سەرۆکی حکومەتی
عێراق و لایەنەکانی بەشدار لە حکومەتدا کۆبووەوە و بەپێی زانیارییەکانی ئێن ئاڕ
تیش، ئەگەر هەیە لە کۆبوونەوەی یەکشەممەی ئەنجومەنی وەزیراندا بڕیار بدرێت بە
ناردنی ٨٠٠ ملیاری مانگانە بۆ ماوەی شەش مانگ بۆ هەرێم بەشێوەی سولفە.