بەگوێرەی زانیارییەکانی پەیامنێری ئێن ئاڕ تی رۆژی یەکشەممە ئەنجومەنی وەزیرانی عێراق کۆدەبێتەوە و گفتوگۆ لەبارەی ناردنی بڕی ٨٠٠ ملیار دیناری مانگانە بۆ ماوەی شەش مانگ بۆ هەرێم دەکرێت. و بەپێی زانیارییەکانیش ناردنی پارەکە پەسەند دەکرێت.
رۆژی پێنجشەممە، پەیامنێری ئێن ئاڕ تی باسی لەوەکرد، بەهۆی گەشتکردنی محەمەد شیاع سودانی سەرۆک وەزیرانی عێراق بۆ ئەمریکا کۆبوونەوەی ئاسایی ئەنجومەنی وەزیران لە رۆژی سێشەممەوە بۆ رۆژی یەکشەممە پێشخراوە.
ئاماژەی بەوەشکرد، لە کۆبوونەوەکەی سێشەممەدا ئەنجومەنی وەزیران گفتوگۆ
لەبارەی ناردنی ٨٠٠ ملیاری دیناری مانگانە بۆ ماوەی شەش مانگ بۆ هەرێم دەکەن.
ئەوەشی خستەڕوو، ئەو پارەیە بەشێوەی سولفە دەدرێت بە هەرێم و دواتر
لێی وەردەگیرێتەوە و بەپێی زانیارییەکانیش ئەنجومەنی وەزیران رەزامەندی دەدات لە
ناردنی ئەو پارەیە.
هەر ئەمشەو، نوری مالیکی باسی لەوەکرد، لێکتێگەیشتن لە نێوان هەرێم و بەغداددا هەیە
و پارە بۆ هەرێم دەنێدرێت.
ئەمڕۆ، حکومەتی
کاربەڕێکەری هەرێم دوای کۆبووەنەوەی شاندەکەی لەگەڵ سودانی رایگەیاند، نابێت شایستە
داراییەکانی هەرێمی کوردستان و موچەی فەرمانبەران تێکەڵی ململانێ سیاسییەکان بکرێن،
دەشڵێت، " ئێمە پابەندییەکانی خۆمان جێبەجێکردووە و هەمان چاوەڕوانیمان لە بەغدا
هەیە."
ئەمەش لەکاتێکدایە، بەهۆی
رەوانە نەکردنی نەوت و داهاتی ناوخۆ لەلایەن حکومەتی هەرێمەوە بەغدا شایستە
داراییەکانی هەرێم لە بودجەدا نانێریت و ٥٠٠ ملیار دیناری وەک قەرز بۆ دابەشکردنی
موچەی فەرمانبەران نارد، بەڵام حکومەتی کاربەڕێکەر رەتیکردەوە.