وەزیری دەرەوەی تورکیا راگەیاند، وڵاتەکەی پابەندە بەو بەڵێنانەی بە ناتۆ و سویدیان داوە لە بەرامبەر بە ئەندامبوونی سوید لە ناتۆدا.
رۆژی پێنجشەممە، هاکان فیدان وەزیری دەرەوەی تورکیا لەگەڵ جەیمس کلێڤەرلی هاوتا بەریتانییەکەی کۆبووە و دواتر کۆنفڕانسێکی رۆژنامەنووسیان ئەنجامدا.
لە کۆنفڕانسەکەدا هاکان فیدان باسی لەوەکرد، وڵاتەکەی پابەندە بەو رێکەوتنانەی
لەگەڵ سویددا واژۆیان کردووە هەر وەک چۆن پابەند بوون بە رێکەوتنەکانی مەدرید لە ساڵی پار و ڕێکەوتنی ڤیلنیۆس لە مانگی تەمموزی
ئەمساڵدا.
ئاماژەی بەوەشکرد، ئەگەر ناتۆ و سوید پابەند بن بەو خاڵانەی لە
رێکەوتنەکانیان لەگەڵ تورکیادا واژۆیان کردووە بەرەوپێشچوون و نزیکبوونەوی زیاتر لەنێوان
تورکیا و سوید بەدیدێت.
چەند رۆژێک لەمەوپێش، جۆ بایدن سەرۆکی ئەمریکا بە رەجەب تەیب ئەردۆغانی سەرۆکی
تورکیای وتبوو"ئەگەر تورکیا ڕازی نەبێت بە ئەندامبونی سوید لە ناتۆ، رێگە نادەن تورکیافڕۆکەی جەنگی ئێف ١٦بکڕێت."
ئەمەش لە کاتێکدایە، لە ساڵی رابردووەوە وڵاتانی سوید و فیلاند داواکارییان
بۆ بوون بە ئەندام لە ناتۆ پێشکەشکرد و فیلاند بەهۆی رازیبوونی بە مەرجەکانی
تورکیا بوو بە ئەندامی رێکخراوەکە، بەڵام تا ئێستا داواکارییەکەی سوید بەهۆی
رازینەبوونی تورکیاوە هەڵپەسێردراوە و بێ وەڵام ماوەتەوە.