سەرۆکى ماوەبەسەرچووى هەرێم بە ئێن ئاڕتى رایگەیاند، سیاسەتى ئابوریی سەربەخۆ سەرکەوتوو بووە، لەم رۆژانەدا شاندێکى هەرێم کە لە سەرۆکى حکومەتى کاربەرێکەر و جێگرەکەى و وەزیرى دارایی هەرێم پێکهاتووە دەچێتە بەغدا بۆ داواکردنى موچەى فەرمانبەران.
رۆژی چوارشەممە نێچیرڤان بارزانی سەرۆکی ماوەبەسەرچووی هەرێم لە کۆنفڕانسێکی رۆژنامەنووسیدا ئاماژەی بەوەکرد، هەرکات پێویست بێت سەردانی بەغدا دەکەن. دەشڵێت، "ئێمە بەشێکین لە عێراق و سەردانەکانمان بۆ بەغدا ئاساییە".
ئەوەشی خستەڕوو، پرسی موچە پرسێک نییە قسەی لەسەر بکرێت و نابێت تێکەڵی هیچ
پرسێکی دیکە بکرێت مافێكی هاوڵاتیانی هەرێمە
و دەبێت حکومەتی عێراق بە زووترین کات چارەسەری ئەو کێشەیە بکات.
باسی لەوەشکرد، شاندێک لە هەرێمەوە بە سەرۆکایەتی سەرۆکی حکومەت و جێگری
سەرۆکی حکومەت و وەزیری دارایی سەردانی بەغدا دەکەن بە مەبەستی چارەسەرکردنی کێشەی
خەرجکردنی موچە.
وتیشی، کە کێشەی هەرێم لەگەڵ بەغدا تەنها کێشەی موچە نییە و چەند کێشەیەکی
گەورەی دیکەیان هەیە لەگەڵ بەغدادا کە دەبێت چارەسەر بکرێت لەوانەش کێشەی ماددەی ١٤٠
و ڕیککەوتنی شەنگال.
سەرۆکی ماوەبەسەرچووی هەرێم راشیگەیاند، لە چەکداماڵینی حزبە کوردییەکانی
رۆژهەڵات هاوشانی بەغدا هەوڵ دەدەن بۆ جێبەجێکردنی ڕێککەوتنەکەی نێوان بەغدا و
تاران و نایانەوێت هەرێم ببێتە هەڕەشە بۆ سەر هیچ وڵاتێکی دراوسێ.