AM:09:29:13/09/2023
3676 جار خوێندراوەتەوە
پەرلەمانتارێکی عێراق لە فراکسیۆنی نەوەی نوێ رایگەیاند، بڕیارە سبەینێ پەرلەمانی عێراق دەنگ لەسەر بە پارێزگابوونی هەڵەبجە بدات. دەشڵێت، " تائێستا ١٧ نوسراوى فەرمیمان بۆ بە پارێزگابوونى هەڵەبجە کردووە."
رۆژی چوارشەممە، ئاریان تاوگۆزى پەرلەمانتارى عێراق لە فراکسیۆنى نەوەى نوێ لە تۆڕی کۆمەڵایەتی فەیسبوکى خۆى رایگەیاند، دواى ١٧ نوسراوی فەرمی و هەوڵیان بۆ ناساندنى هەڵەبجە وەک پارێزگایەکى سەربەخۆ، بڕیارە دەنگ لەسەر ئەو پرسە بدرێت و بەفەرمى هەڵەبجە ببێتە پارێزگا.
ئاماژەی بەوەشکرد،
بە دەنگدان لەسەر بەپارێزگابوونی هەڵەبجە، عێراق دەبێتە ١٩ پارێزگا و هەرێمی
کوردستانیش بە فەرمی دەبێتە چوار پارێزگا.
ئەمە لەکاتێکدایە،
لە ماوەى رابردوودا و لەسەر داواى نەوەى نوێ، عێراق دەروازەی سازانى لەسنورى هەڵەبجە
بەفەرمى کردەوە و بەوەش هەلى کارى زیاتر دەستبەربووە و بوارى جوڵەى بازرگانیش لەو
سنورە فراوانتربووە.
