PM:06:49:11/09/2023
2032 جار خوێندراوەتەوە
میدیا عەرەبییەکان بڵاویانکردووەتەوە، پاش نیوەرۆی ئەمرۆ زریانی دانیاڵ کە بەشێک لە وڵاتانی ئەوروپاشی گرتووتەوە، گەیشتووەتە وڵاتی لیبیا و بەهۆیەوە ١٥٠ کەس گیانیان لەدەستداوە.
رۆژی دوشەممە، میدیا عەرەبییەکان لە زاری بەرپرسانی لیبیاوە بڵاویانکردەوە، زریانی بەهێزی دانیاڵ بە ناوچەکانی رۆژهەڵاتی ئەو وڵاتەدا تێپەڕ دەبێت و زیانێکی زۆری بە سروشتی وڵاتەکە گەیاندووە.
هاوکات، عەبدولحەمید دبەیبە سەرۆک وەزیرانی لیبیا بە هاوبەشی وەزیری بەرگری
وڵاتەکەی و لایەنە پەیوەندیدارەکان گەشتووەتە ناوچەکانی رۆژهەڵاتی لیبیا بۆ
رزگارکردنی ئەو هاوڵاتیانەی ژیانیان لە مەترسیدایە.
زریانی دانیاڵ، لە چەند رۆژی رابردودا لە ناوچەکانی یۆنان و تورکیا و
بولگاریا تێپەڕبووە و گەشتوەتە خاکی لوبنان پێشبینی دەکرێت بگاتە ناوچەکانی باکوری
میسر و ژمارەی قوربانیەکانی ١٨٠ کەسی تێپەڕاندووە .
