بریکاری وەزیری ژینگەی عێراق رایگەیاند، بە هاوبەشی لەگەڵ ئێران کۆنگرەی بەرەنگاربونەوەی شەپۆلەکانی خۆڵبارین رادەگەینن و ئەو کۆنگرەیە بۆ گفتوگۆکردن و دۆزینەوەی چارەسەری بیابانبوونە لە عێراق و ئێران.
عەبود فەزا بریکاری وەزیری ژینگەی عێراق بە ئاژانسی هەواڵی فارسی راگەیاند، ئەمڕۆ پرسی شەپۆڵەکانی خۆڵبارین سەرنجی هەموو وڵاتانی جیهانی ڕاکێشاوە کۆنگرەی نێودەوڵەتی بەرەنگاربونەوەی تۆز و خۆڵ هاوکار دەبێت لە کەمکردنەوەی ئەو شەپۆلانە.
ئاماژەی بەوەشکرد،
هاوشێوەی عێراق، ئێرانیش رووبەڕووی شەپۆڵی خۆڵبارین دەبێتەوە و زۆربەی شەپۆلەکانیش
بەهۆی کاریگەری کەشوهەوای وڵاتانی دیکەوەیە.
ئەوەشی خستەڕوو، نەتەوە یەکگرتووەکان
پێشوازی لە پێشنیازی بەرێوەچونی کۆنگرەی بەرەنگاربونەوەی تەپوتۆز دەکات و لە ئایندەیەکی
نزیکدا بە هاوکاری وڵاتانی دیکە سەبارەت بە کۆنتڕۆڵکردنی خۆڵ، ئاو، ژینگە و پرسەکانی
دیکە، هەنگاو دەنێن بە ئامانجی ڕیگریکردن لە بیابانبونی ناوچەکانی هەردو وڵاتەکە.
باسی لەوەشکرد، یەکێک لە هۆکارەکانی
بیابانبوون لە عێراقدا کەمی ئاوە، لە رێگەی
ئەم کۆنگرەیە لەگەڵ ئێران و وڵاتانی دیکەی ناوچەکە دەست بە پڕۆژەی تاقیکاری بەرەنگاربونەوە
و چارەسەری کەمی ئاو دەکەن.