فەرماندەی گشتی هێزەکانی سوریای دیموکرات رایگەیاند: لە ئێستادا دۆخی دێرەزور ئارامە و هێزەکانیان بەردەوامن لە هەوڵەکانیان بۆ سەقامگیرکردنی ناوچەکە و دابینکردنی ئاسایش بۆ هاوڵاتیان.
رۆژی دووشەممە، مەزڵوم عەبدی فەرماندەی گشتی هێزەکانی سوریای دیموکرات لە راگەیاندراوێکدا ئاماژەی بەوەکردووە، ئاسایشی کۆمەڵایەتی لە دیرەزور پارێزراو دەبێت و بە هاوکاری هاوڵاتیان بەردەوام دەبن لە هەوڵەکانیان بۆ پاراستنی سەقامگیری ئەو ناوچەیە.
ئەوەشی خستەڕوو، تورکیا
بەردەوام لە هێرشەکانی بۆسەر ناوچەکانی تەل تەمیر و مەنبەج و ئەو هێرشانەش بوونەتە
هۆی پشێوی.
دوێنێش باڵوێزخانەی ئەمریکا
بۆ سوریا رایگەیاند؛ هەسەدە و هۆزەکانی دێرەزور لەسەر بنەمای راگرتنی گرژییە چەکدارییەکان
و جێبەجێکردنی داواکارییەکانی هاوڵاتیانی ناوچەکە گەیشتوونەتە رێککەوتن.
پێشتریش، هاوپەیمانی نێودەوڵەتی رایگەیاند: پێویستە
شەڕ و پێكدادانەكانی نێوان هێزەكانی سوریای دیموكرات و چەكدارانی هۆزەكان لە سنوری
دێرەزور كۆتاییان پێبهێندرێت و ئارامی و ئاسایش بۆ سنورەكە بگەڕێندرێتەوە و دواتر،
قەدەغەی هاتووچۆ لەو ناوچەیە راگەیاندرا.
هێزەكانی سوریای دیموكرات (هەسەدە)ئەم پێكدادانانە
بە ئۆپەراسیۆنی "پتەوكردنی ئاسایش" لە سنوری دێرەزور ناودەبەن و بەشێك لە
هۆزە چەكدارەكانیش دژی ئەو ئۆپەراسیۆنە وەستاونەتەوە و چەند رۆژێکە شەڕ و پێکدادان
لەنێوان هەردوولا بەڕێوەدەچێت.