PM:02:55:04/09/2023
1760 جار خوێندراوەتەوە
باڵیۆزی نوێی ئێران رایگەیاند، لەدوای واژۆکردنی رێکەوتنی دەستپێکردنەوەی پەیوەندییەکانی ئێران و سعودییە بڕیارە سەردانی ئەو وڵاتە بکات و لەوێ لەگەڵ هاوتا سعودییەکەی بۆ گفتوگۆکردن لەبارەی پلانی بەهێزکردنی پەیوەندییەکانیان کۆببنەوە.
رۆژی دووشەممە، عەلی رەزا عینایەتی باڵیۆزی نوێی ئێران لە سعودییە رایگەیاند، بۆ دەستپێکردنی ئەرکە دبلۆماسییەکان و گفتوگۆکردن لەگەڵ هاوتا سعودییەکەی لەبارەی هەنگاوەکانی بەهێزکردنی پەیوەندییەکانیان سەردانی سعودییە دەکات.
ئاماژەی بەوەشکرد، لە ئەنجامی گەشەکردنی پەیوەندییەکانی نێوانیان توانیویانە
ڕێگە بە هاتوچۆی هاوڵاتیانی مەدەنی لەنێوان هەردوو وڵاتدا دوور لە دەستێوەردانی دەرەکی
لە ناوچەکەدا بدەن.
ئەمە لەکاتێکدایە، لە مانگی ئازاری ئەمساڵدا ئێران و سعودییە لە شاری پەکین
رێککەوتنێکیان بۆ دەستپێکردنەوەی پەیوەندییەکانیان واژۆکرد.
