شاندی نەیجیریا بۆ نێوەندگیری رایگەیاند، بۆ چارەسەکردنی قەیرانەکانی نەیجەر لەڕێگەی دیپلۆماسییەوە لەگەڵ سەرکردەکانی کودەتای سەربازی نەیجەر گفتوگۆیان کردووە.
ئەمڕۆ یەکشەممە، شاندی نەیجیریا بۆ نێوەندگیری راگەیاند، وەک هەوڵێک بۆ چارەسەکردنی ئەو قەیرانانەی بەهۆی کودەتای سەربازی لە وڵاتەکەدا دروستبووە لەگەڵ سەرکردەکانی کودەتای سەربازی نەیجەر کۆبوونەتەوە و گفتوگۆیان کردووە.
ئاماژەی بەوەشکرد،
لە کۆبوونەوەکەدا سەرکردەکان ئامادەیی خۆیان بۆ چارەسەکردنی قەیرانەکانی ئەو وڵاتە
بە ڕێگەی دیپلۆماسی بەهەماهەنگی لەگەڵ کۆمەڵگەی ئابووری وڵاتانی رۆژئاوا 'ئیکۆواس'
دووپات کردووەتەوە.
لە ٢٦ـی تەمووزدا پاسەوانی
سەرۆکایەتی نەیجەر بە سەرۆکایەتی عەبودەلرەحمان چیانی کودەتای سەربازیان بەسەر سەرۆکی
وڵاتەکە ئەنجامدا و لە کۆشکەکەی گەمارۆیان دا و تا ئێستاش لای ئەوان دەستبەسەرە.
کۆماری نەیجەر، یەکێکە لە
وڵاتانی ڕۆژئاوای ئەفریقا، پایتەختەکەی شاری نیامێیە و یەکەم وڵاتە لەسەر ئاستی جیهان
بۆ زۆرترین یەدەگی یۆرانیۆم و ئابوورییەکەی پشت بە کشتوکاڵ و ئاژەڵداریی دەبەستێت
و زمانی فەرمی وڵاتەکە فەڕەنسییە و هاوسنوورە لەگەڵ وڵاتی نەیجیریا و لە ماوەی
رابردووشدا دوای کوودەتاکەی نەیجەر، نەیجیریا ئەو کارەبایەی بڕی کە بەو وڵاتەی دابوو.