هێزی زەمینی تورکیا لە خاکی سوریا
PM:02:00:13/08/2023
5092 جار خوێندراوەتەوە
وەزیری بەرگری تورکیا رایگەیاند، تورکیا ئارەزوومەندە ئاشتی لە سوریا بەرقەراربێت بەڵام ناتوانن هێزەکانیان لە سوریا بکشێننەوە تاوەکو لە ئاسایشی سنوورەکانیان دڵنیانەبنەوە و وتیشی، "لەو بڕوایەدام بەشار ئەسەد ژیرانەتر بیر لەو پرسە بکاتەوە."
ئاژانسی ئەنادۆڵوی تورکی بڵاویکردەوە، یەشار گیولەر وەزیری بەرگری تورکیا رایگەیاندووە، ئارەزوومەندی بەرقەراربوونی ئاشتی لە سوریا دەکەن و نووسینەوەی دەستووری نوێ بۆ سوریا و پشبەستن پێی گرنگترین هەنگاوەکانی بەرقەرابوونی ئاشتییە.
ئاماژەی بەوەشکردووە، تورکیا
دەیەوێت ئاشتی لە سوریا بەرقەراربێت، بەڵام ناتوانن هێزەکانیان لە سوریا بکشێننەوە
بەبێ ئەوەی لە ئاسایشی سنوورەکانیان دڵنیانەبنەوە و دەشڵێت، "لەو بڕوایەدام
سەرۆکی سوریاش ژیرانە بیر لەو پرسە بکاتەوە."
سەبارەت بە بوونی هێزی
تورکی لە لیبیا ئەوەی خستووەتەڕوو، لەسەر داواکاری حکومەتی شەرعی ئەو وڵاتە هێزی
تورکیا رەوانەی ناوچەکانیان کراوە و نەتەوەیەکگرتووەکانیش ئاگادارە.
پێشتر بەشار ئەسەدی سەرۆکی
سوریا لە لێدوانێکی تەلەڤزیۆنیدا رایگەیاند، تاوەکو هێزی تورکیا لە نێو خاکی سوریا
مابێت ئامادە نییە کۆبوونەوە لەگەڵ رەجەب تەیب ئەردۆغان سەرۆک کۆماری تورکیا
ئەنجامبدات.
