PM:06:11:10/08/2023
3656 جار خوێندراوەتەوە
سەرۆکایەتی ئیدارەدانی کارەسات و فریاگوزاری تورکیا رایگەیاند، بومەلەرزەیەک بە گوڕی ٤.٢ شاری ئامەدی لە باکوری کوردستان هەژاند
ئەمڕۆ پێنجشەممە، بەگوێرەی بەیاننامەیەک سەرۆکایەتی ئیدارەدانی کارەسات و فریاگوزاری تورکیا ' ئافاد' بڵاویکردووەتەوە، کاتژمێر ٣:٢٥ خولەکی دوای نیوەڕۆ بومەلەرزەیەک بەگوڕی ٤.٢ شاری ئامەدی باکوری کوردستانی هەژاند
لە بەیاننامەکەشدا
هاتووە، بومەلەرزەکە ١٦.٨١ کم لە قوڵایی زەویدا روویداوە و لای خەڵکی ناوچەکە
هەستیپێکراوە. تێیدا هاتووە،" بومەلەرزەکە زیانی گیانی نەبووە."
ئەمەش لەکاتێکدایە، ڕۆژی ٦ی شوباتی ۲۰۲۳ بوومەلەرزەیەک
بە گوڕی ۷.۸ ڕیختەر باشووری
تورکیا و ناوچەسنورییەکانی سوریای هەژاند لە ئەنجامی بومەلەرزەکەدا زیاتر لە ٥٠
هەزار کەس گیانیان لەدەستدا و ژمارەیەک کەسیش لەژێر داروپەردووی رووخاودا
رزگارکران.
