سەردێڕ:

لەم ساڵدا؛ قەبارەی هەناردەکردنی کاڵا لە تورکیاوە بۆ ئیمارات زیادی کردووە

AM:08:57:09/08/2023

1872 جار خوێندراوەتەوە

ئەنجوومەنی هەناردەکارانی تورکیا ڕایگەیاند، قەبارەی هەناردەکردنی کاڵای ئەو وڵاتە بۆ ئیمارات لە حەوت مانگی ئەمساڵدا گەیشتووەتە دوو ملیار و ٥٠٠ ملیۆن دۆلار و بەراورد بە ساڵی ڕابردوو زیادیکردووە.


ئەمڕۆ چوارشەممە، ئەنجوومەنی هەناردەکارانی تورکیا لە ڕاگەیاندراوێکدا باسی لەوەکرد، لە ماوەی حەوت مانگی ئەم ساڵدا، قەبارەی هەناردەکردنیان بۆ ئیمارات بە ڕێژەی لە٪٣٠ زیادی کردووە.
ئەوەش خراوەتەڕوو، ئیماڕات لە پلەی١٣ـەم دایەلە لیستی ئەو وڵاتانەی کە تورکیا زۆرترین کاڵایان بۆ هەناردە دەکات.
هاوکات، لە کۆتا سەردانی ڕەجەب تەیب ئەردۆغان سەرۆکی تورکیا بۆ ئەبووزەبی ڕێککەوتنێکی ئابووری بە بەهای ٥٠ ملیار دۆلار لەگەڵ ئیمارات واژۆ کردووە.
بەگوێرەی داتاکان، وڵاتی ئەڵمانیا لە لیستی یەکەمی وڵاتاندا دێت کە کاڵای تورکی هاوردە دەکەن بە بڕی زیاتر لە ١٠ ملیار دۆلار لە ساڵێکدا و دوای ئەوەش ئەمریکا دێت بە زیاتر لە شەش ملیار دۆلار و عێراق، یەکێکە لەو وڵاتانەی کاڵا و خواردەمەنی و پۆشاک بە شێوەی سەرەکی لە تورکیاوە هاوردە دەکات.









گەلەری