AM:08:29:17/07/2023
2672 جار خوێندراوەتەوە
لە ماوەی چوار رۆژی رابردوودا هه‌زار و ٤٧ کەس بەهۆی شه‌پۆلی خۆڵبارینه‌وه لە پارێزگای سیستان و بەلوجستانی ئێران، ره‌وانه‌ی نه‌خۆشخانه كراون.
ئەمڕۆ دووشەممە، مەجید موحیبی بەڕێوەبەری گشتی قەیران له پارێزگای سیستان و بەلوجستان بە ئاژانسی فەرمی هه‌واڵی ئێرانی راگەیاند، بەهۆی ئەو خۆڵبارینەی لە ١٢ی ته‌مووزه‌وه پارێزگاکەی گرتووەتەوە، تا ئێستا هه‌زار و ٤٧ کەس رەوانەی نەخۆشخانە و ناوەندە پزیشکییەکان کراون.
ئەوەشی خستووەتەڕوو، ٩٢ کەس لەوانەی براونه‌ته نەخۆشخانەکان پێویستان بە
چارەسەر هەبووە و تا ئێستاش لەژێر چارەسەردان و هەموو تیمەکانی فریاکەوتن ئامادەن
بۆ هاوکاریکردنی هاوڵاتیان لە حاڵه‌تی پێویستیدا.
ئەمەش لەکاتێکدایە، میدیا ئێرانییەکان بڵاویانکردووەتەوە لە سەرەتای مانگی
حوزەیرانەوە، تا ئێستا زیاتر لە سێ هەزار کەس بەهۆی خۆڵبارینەوە ره‌وانه‌ی نه‌خۆشخانه
كراون.
