هاوسەرۆکی پێشوی پارتی دیموکراتی گەلان "هەدەپە" رایگەیاند، لەم قۆناغەی ئێستادا واز لە چالاکی سیاسی دەهێنێت.
سەڵاحەدین دەمیرتاش هاوسەرۆکی هەدەپە لە تویتێکدا بڵاویکردەوە، "لە ناخی دڵمەوە داوای لێبوردن دەکەم کە نەمتوانیوە سیاسەتێکی شایستە پێشکەش بە گەلەکەم بکەم".
باسی لەوەش کردووە، سوپاسی هەر کەسێک
دەکات کە رەخنەی بونیادنەری لێگرتبێت و هەوڵدەدات کەموکوڕییەکانی چاک بکات.
ئەوەشی خستووەتەڕوو، وەک هاوڕێکانی
بەردەوام دەبێت لە خەبات لە زیندانەوە بەڵام لەم قۆناغەی ئێستا لە چالاکی سیاسی
دەوەستێت.
ئەوەش لە کاتێکدایە، پێشووتر دەمیرتاش لە تویتێکدا رایگەیاند، وەک بەڵێنێک
بە گەل، هەموو هەوڵێک دەدەن بۆ ئەوەی لە دوای ئەردۆغان پەکەکە رازى بکەن چەک دابنێت.
سەڵاحەدین دەمیرتاش لە ساڵی ٢٠١٦ـەوە بە تۆمەتی تیرۆر لە زینداندایە و چەندین
جاریش دڵنیاییداوە کە لە پەرلەمانى تورکیا دەتوانن کێشەکانى کورد چارەسەر بکەن.