PM:09:39:28/05/2023
14268 جار خوێندراوەتەوە
ئاسایشی هەولێر بە دیجیتاڵ میدیای ئێن ئاڕ تی راگەیاند، سێ کەس بە تۆمەتی رووداوی تەقەکردن و کوشتنی هاوڵاتییەکەی ئەمڕۆی شاری هەولێر دەستگیرکراون و لێکۆڵینەوەیان لەگەڵدا دەکرێت.
بەپێی ئەو زانیارییانەی لە ئاسایشی هەولێرەوە بە دیجیتاڵ میدیای ئێن ئاڕ تی گەیشتووە، لە رێگەی کامێراکانی چاودێرییەوە شوێنی هەر سێ تۆمەتبارەکە دۆزراوەتەوە و لە دوای رووداوەکە لە شاری هەولێرەوە بەرەو گوندی کەڵەکن بەڕێکەوتوون و لەلایەن ئاسایشەوە دەستگیرکراون.
ئەمەش لە کاتێکدایە، لە کاتژمێر ١٢:٠٠ی نیوەڕۆی ئەمڕۆ یەکشەممە لە شەقامی
١٠٠ مەتری شاری هەولێر لە بەردەم بەڕێوەبەرایەتی رەگەزنامەى هەولێر، لە نزیک گەڕەکی
٣٢ی پارک، دەستڕێژی گولـلە لە ئۆتۆمبێلێکی جۆری پیکاب کرا و بە هۆیەوە کەسێک کوژرا
و یەکێکى تر برینداربوو.
هاوکات، دیجیتاڵ میدیای ئێن ئاڕ وردەکاریی لەسەر رووداوەکە ئاشکرا کردبوو
و بەپێی بەدواداچوونەکان ئەو کەسە ئۆتۆمبێلی کەسێکی کڕیوە کە کێشەی لەگەڵ چەند کەسێک
هەبووە و لەلایەن ئەو سێ تۆمەتبارەوە چاودێری کراوە و تەقەیان لێکردووە بەبێ ئەوەی
ئاگاداری ئەوە بن کە کەسی مەبەست نییە.
رزگار کۆچەر، هەولێر
