PM:10:38:27/05/2023
3068 جار خوێندراوەتەوە
پۆلیسی کەرکوک بە هەماهەنگی لەگەڵ ئاسایشی هەواڵگری شارەکە چەند کەسێکیان بە تۆمەتی کوشتنی بازرگانەکەی کەرکوک دەستگیر کرد.
فەرماندەیی پۆلیسی کەرکوک راگەیەنراوێکی بڵاوکردەوە و تێێدا هاتووە، لە دوای رووداوی کوژرانی ئارام عاسی بازرگانەکەی شاری کەرکوک تیمێک بە سەرپەرشتی فەرماندەی ئۆپەراسیۆنەکان و بە سەرۆکایەتی فەرماندەی پۆلیسی کەرکوک پێکهێنرا.
ئاماژە بەوەشدراوە، تیمەکە بە هەماهەنگی لەگەڵ ئاسایشی هەواڵگری کەرکوک
دوای لێکۆڵینەوە بەکارهێنانی ڤیدیۆ تۆمارکراوەکانی کامێراکانی چاودێریی لە ماوەی
چەند کاتژمێرێکدا تۆمەتبارانی کوشتنی بازرگانەکەی کەرکوک دەستگیر کران.
ئەمەش لە دوای ئەوە دێت، عامر نوری وتەبێژی پۆلیسی کەرکوک بە ئێن ئاڕ تی
راگەیاند، بەیانی ئەمڕۆ لە گوندی سەقزلی لە سنوری پارێزگای کەرکوک بازرگانێک بە
ناوی ئارام عاسی لە باخەکەی خۆیدا بە کوژراوی دۆزراوەتەوە.
