PM:04:58:26/05/2023
14072 جار خوێندراوەتەوە
حکومەتی ماوەبەسەرچووی هەرێم رایگەیاند، ئەو گۆڕانکارییانەی لە بودجەدا کراون نادەستوورین و دژی رێککەوتنی هەرێم و بەغدان. دەشڵێت، "پابەند نابین پێیانەوە."
ئەمڕۆ هەینی حکومەتی ماوەبەسەرچووی هەرێم لە راگەیاندراوێکدا ئاماژەی بەوەکرد، ئەو گۆڕانکاریانەی دوێنێ لەلایەن لێژنەی دارایی ئەنجومەنی نوێنەرانی عێراق لە سەر پرۆژە یاسای بودجە ئەنجام دران، نادەستوریین و دژی رێککەوتنی حکومەتی هەرێم و حکومەتی عێراقە.
باسی لەوەشکردووە، ئەو گۆرانکارییانە دژی بنەماکانی
رێککەوتنی حکومەتی ئیدارەی دەوڵەت و بەرنامەی ئەو کابینەیەیە کە لە ئەنجومەنی نوێنەران
دەنگییان لەسەر دراوە.
دەشڵێت، "ئێمە وەک حکومەتی هەرێم،بەهیچ شێوەیەک
ئەم ستەمکاری و پێشێلکردنەی مافەکانی خەڵکی کوردستان قبوڵ ناکەین و پابەندی هیچ بڕیارێکی
تریش نابین جگە لەو رێککەوتنەی پێشتر لە گەل
حکومەتی سودانی کراوە."
