PM:08:18:22/05/2023
2300 جار خوێندراوەتەوە
قائیمقامی قەزای چەمچەماڵ رایگەیاند، بەهۆی کێشەی نێوان دوو خانەوادەوە، لە نزیک پردی مامە ڕیشە لەسەر رێگای چەمچەماڵ – شۆڕش گەنجێکی تەمەن ٢٢ ساڵ کوژرا.
رەمک رەمەزان قائیمقامی قەزای چەمچەماڵ بە دیجیتاڵ میدیای ئێن ئاڕ تی راگەیاند، کاتژمێر ٧:٣٠ خولەکی ئێوارەی ئەمڕۆ لەسەر رێگای چەمچەماڵ – شۆڕش بە دەسترێژی گوللـە گەنجێک کوژرا.
رەمک رەمەزان ئاماژەی بەوەشکرد،
رووداوەکە لە نزیک پردی مامە ڕیشە بووە و پێشتر لەنێوان خانەوادەی کوژراوەکە و
خانەوادەیەکی دیکە کێشە و دەمەقاڵی هەبووە.
باسی لەوەشکرد، هەریەکە لەو دوو
خانەوادەیەی کێشە و ناکۆکی لە نێوانیاندا هەیە خەڵکی گوندێکی سەر بە ناحیەی قەرەهەنجیرن
و ئەو گەنجەی کوژراوە تەمەنی ٢٢ ساڵە.
سۆران محەمەد، چەمچەماڵ