وەزارەتی حەج و عومرەی سعوودیە رایگەیاند، یەکەمین کاروانی حاجیان گەیشتوونەتە سعوودیە.
ئەمڕۆ دووشەممە، وەزارەتی حەج و عومرەی سعوودیە، لە رێی تویتەرە بڵاویکردەوە، یەکەم کاروانی حاجیان بۆ وەرزی حەجی ساڵی ١٤٤٤ی هیجری گەیشتوونەتە سعوودیە.
ئاماژە بەوە کراوە، یەکەمین کاروانی
حاجیان لە وڵاتی بەنگلادیشەوە گەیشتوونەتە سعوودیە.
پێشتریش دەستەی حەج و عومرەی عێڕاق
رایگەیاندبوو، لەمساڵ دا ٣٤ هەزار کەس فەریزەی حەج ئەنجام دەدەن لە کاتێک دا داوایان لە
وەزارەتی حەج و عومرەی سعودیە کردبوو کە پشکی حاجیانی عێراق زیاتر بکرێت بەڵام داواکەیان
رەت کرابووەوە.