باڵیۆزی ئەمریکا رایگەیاند، لەگەڵ سەرۆک وەزیرانی ماوەبەسەرچووی هەرێم و جێگرەکەی قسەی کردووە و پێی وتوون، پێویستە لە کۆتایی ئەمساڵدا هەڵبژاردن ئەنجامبدرێت.
ئالینا رۆمانۆوسکی باڵیۆزی ئەمریکا لە عێراق لە هەژماری تویتەری خۆیەوە رایگەیاند، لە بارەی هەڵبژاردنەوە گفتووگۆی لەگەڵ مەسرور بازرانی و قوباد تاڵەبانی کردووە.
ئاماژەی بەوەشداوە، داوای لە هەردوولا کردووە گرنگی بدەن بە چاکسازی و یەکخستنەوەی هێزەکانی پێشمەرگە و کات تەرخان بکەن بۆ بەهێزکردنی مافی مرۆڤ و
هەڵبژاردنەکان لە وادەی خۆیدا ئەنجام بدەن.
فشارە ناوخۆیی و نێودەوڵەتییەکان بۆ سەر هەریەکە لە حزبی یەکێتی و پارتی
بەردەوامە و لە رێکەوتی ١٨ی ئەم مانگە کۆبوونەوەی ئەنجوومەنی ئاسایش لە ماوەی
رابردوو جینین پلاسخارت نێردەی نەتەوە یەکگرتووەکان بە یەکێتی و پارتی راگەیاند،
ئەگەر هەڵبژاردن نەکەن متمانەی خۆتان لەدەستدەدەن.
پێشتریش کونسوڵخانەی ١٢ وڵاتی ئەوروپا فشاریان خستە بووە سەر هەردوو حزبی
دەسەڵات بۆ ئەنجامدانی هەڵبژاردنەکانی هەرێمی کوردستان لە وادەی خۆیدا.