لەکاتی کردنەوەی بازاڕەکانی دراودا بەهای ١٠٠ دۆلار بە ١٤٥ هەزار و ٧٠٠ دینار مامەڵەی پێوەکراو و بەراورد بە رۆژی پێنجشەممە، بەهای ١٠٠ دۆلار ٢٠٠ دینار بەرزبووەتەوە.
ئەمڕۆ شەممە، لەگەڵ کردنەوەی بازاڕەکانی دراودا بەهای ١٠٠ دۆلار بە ١٤٥ هەزار و ٧٠٠ دینار مامەڵەی پێوەکرا لەکاتێکدا رۆژی پێنجشەممە، لەکاتی داخستنی بازاڕەکانی دراودا بەهای ١٠٠ دۆلار بە ١٤٥ هەزار و ٥٠٠ دینار مامەڵەی پێوەدەکرا و بەوەش هەر ١٠٠ دۆلارێک ٢٠٠ دینار بەرزبووەتەوە.
هاوکات، ئەمڕۆ بەهۆی
پشووی رۆژی شەممەوە بانکی ناوەندی عێراق هیچ بڕە دۆلارێک ناخاتەڕوو، بەڵام لە ماوەی
رۆژانی سێشەممە و چوارشەممە و پێنجشەممەی هەفتەی رابردوو بانکی ناوەندی عێراق زیاتر
لە ٢٧٠ ملیۆن دۆلاری دەخستە بازاڕەوە.
ئەوەش لە کاتێکدایە،
بە بڕوای شارەزایانی ئابوری بەهۆی دواکەوتنی داواکاری دۆلاری دەرەوە بازرگانەکانی
عێراق و هەرێم پەنایان بردووەتە بەر دۆلاری ناوخۆ سەرەڕای بەرزی نرخەکەی ئەویش
خواستی لەسەر دراوی دۆلار زیادکردووە و لە ئەنجامدا نرخەکەی بەرزبووەتەوە.
هاوکات، بە بڕیاری
وەزارەتی ناوخۆی هەرێم لە چەند شارێکی عێراق بەڵیننامە بە پێشانگاکانی ئۆتۆمبێل و
فرۆشگاکانی کەلوپەلە کارەباییەکان پڕکراوەتەوە بۆئەوەی لە مامەڵەی بازرگانیدا تەنیا
دراوی دیناری عێراقی بەکاربهێنن.