کونسوڵی گشتی تورکیا لە پارێزگای بەسڕە رایگەیاند، قەبارەی ئاڵوگۆڕی بازرگانی نێوان عێراق و تورکیا گەیشتووەتە ٢٠ ملیار دۆلار.
ئەمڕۆ شەممە، محەمەد ئۆزغون ئارمان کونسوڵی گشتی تورکیا لە بەسڕە رایگەیاند، تورکیا بەشێوەیکی راستەوخۆ ئاڵوگۆڕی بازرگانی لەگەڵ پارێزگاکانی هەرێمی کوردستاندا هەیە و بڕەکەی دەگاتە ١٤ ملیار دۆلار، ئەو بڕەی دیکەشی بەسەر تەواوی پارێزگاکانی عێراقدا دابەشبووە.
ئاماژەی بەوەشکرد،
بازرگانییەکە زیاتر لە رێگای کۆمپانیاکانی وەبەرهێنانەوەیە و کە جۆراوجۆرن، وەک
بازرگانی مۆبیلیات، کەلوپەلی چێشتخانە و ناوماڵ و خواردن و جلوبەرگ و کەرەستەی بیناسازی.
وتیشی، تورکیا لە
هەوڵدایە بۆ ئەوەی ئاڵوگۆڕی بازرگانی فراوانتر بکات لە نێوان عێراق و تورکیادا و وەبەرهێنانی
زیاتر بکرێت لە چەندین بواردا.
ئەوە لە کاتێکدایە،
عێراق بە رێژەیەکی بەرز پشت بە هاوردەکردنی کاڵا و کەلوپەل و خۆراک دەبەستێت و تورکیاش
یەکێکە لەو وڵاتانەی عێراق پشتی پێدەبەستێت بۆ پڕکردنەوەی پێداویستییەکانی.