بۆ سێیەم رۆژ لەسەر یەک بانکی ناوەندی عێراق رێژەی فرۆشی دۆلاری بەرزکردەوە و زیاتر لە ٢٧٥ ملیۆن دۆلاری بۆ ئەمڕۆ خستووەتەڕوو.
ئەمڕۆ پێنجشەممە، بانکی ناوەندی عێراق ٢٧٥ ملیۆن و ١٧٧ هەزار و ١٦٦ دۆلاری خستەڕوو، بەوەش بەروارد بە دوو رۆژی رابردوو رێژەی فرۆشتنی بەرزتر کردووەتەوە.
لەو بڕەی بانکی
ناوەندی خستویەتییەڕوو، ٢٢٨ ملیۆن و ١٧٧ هەزار و ١٦٦ دۆلاری بە شێوەی حەواڵە و ٤٧
ملیۆن دۆلاریشی بەشێوەی نەختینەییە.
لە ماوەی ئەم سێ
رۆژەدا، بانکی ناوەندی عێراق نزیکەی ٩٠٠ ملیۆن دۆلاری خستەڕوو، ئەوەش کاریگەری لەسەر
بەهای دۆلار دانا و بەشێوەیەکی بەرچاو لە ماوەی ئەم سێ رۆژەدا نرخەکەی بەرامبەر بە
دینار دابەزیوە.
لەلایەکی
دیکەشەوە، بە بڕیاری وەزارەتی ناوخۆی عێراق لە چەند شارێکی ناوەڕاست و باشوورى عێراق،
بەڵیننامە بە پێشانگاکانی ئۆتۆمبێل و فرۆشگای کەلوپەلە کارەباییەکان پڕکراوەتەوە،
بۆ ئەوەی لە مامەڵە بازرگانیەکانیاندا تەنیا دراوی دیناری عێراقی بەکاربهێنن.