ئاماژەی بەوەشکردووە، زیاتر لە ١٠٠ سەرباز و سەگی مەشقپێکراوی تایبەت بە گەڕان و پشکنین بەشداریی هەڵمەتی گەڕان و پشکنینەکانیان کردووە، تیمەکانی فریاگوزاری باسیان لەوەکردووە، چوار منداڵەکە برای یەکن و دایکیان و دوو کەسی دیکە لە رووداوەکەدا گیانیان لەدەستداوە.

ئەوەشخراوەتەڕوو، تەمەنی منداڵەکان ١٣ساڵ و نۆ ساڵ و چوار ساڵە و یەکێکیان تەمەنی تەنها ١١ مانگە، دوای کەوتنەخوارەوەی فڕۆکەکەیان لە ١ی ئایاردا بێسەروشوێن بوون. تیمە پشکنەرەکان ئەوەیان روونکردووەتەوە، لەکاتی گەڕان بەدوای ونبوواندا مەمەشیرێکی منداڵ و میوەیەکیان دۆزیوەتەوە کە نیوەی خوراوە و نیوەی ماوەتەوە ئەوەش زیاتر دڵنیای کردوونەتەوە لەوەی منداڵەکان هێشتا لە ژیاندا ماون.

دۆزینەوەی منداڵەکان و رزگارکردنیان لەکاتێکدایە، دارستانەکانی ئەمازۆن درەختی بەرزی تێدایە کە بەرزییەکەی دەگاتە ٤٠ مەتر لەگەڵ بوونی ئاژەڵی دڕندە و بارانی بەخوڕ کە ئەمەش پرۆسەی گەڕان و پشکنینەکەی قورستر کردبوو.

هاوکات، سێ هێلیکۆپتەر بەشدارییان لە پرۆسەی گەڕان و پشکنینەکەدا کردووە و لەرێگەی دەنگێکی تۆمارکراوی داپیری منداڵەکانەوە هۆشدارییان پێدراوە لە شوێنی خۆیان بمێننەوە و بەنێو دارستانەکەدا نەڕۆن. هاوکات، تائێستا دەسەڵاتدارانی کۆڵەمبیا هۆکاری کەوەتنەخوارەوەی فڕۆکەکەیان ئاشکرا نەکردووە.