لەگەڵ کردنەوەی بازاڕی دراوەکاندا لە هەرێم ١٠٠ دۆلار بەرامبەر بە ١٤٧ هەزار و ٥٠٠ دینار مامەڵەی پێوەدەکرێت، بەراورد بە دوێنێ کاتی داخستنی بازاڕ نرخەکەی ٢٥٠ دینار دابەزیوە.
دوێنێ لە سەرەتای هەفتەدا، بانکی ناوەندی عێراق ٢٢٢ ملیۆن و ٤٠٣ هەزار و هەشت دۆلاری خستە بازاڕەوە، ١٧٩ ملیۆن و ٥٠٣ هەزار و هەشت دۆلاری بەشێوەی حەواڵە بووە و ٤٢ ملیۆن و ٩٠٠ هەزاریشی بەشێوەی کاش بووە.
ئەوەش لە کاتێکدایە، بەبڕوای شارەزایانی ئابووری بەهۆی
دواکەوتنی داواکاری دۆلاری دەرەوە بازرگانەکانی عێراق و هەرێم پەنایان بردووەتە بەر
دۆلاری ناوخۆ سەرەڕای بەرزی نرخەکەی ئەویش خواستی لەسەر دراوی دۆلار زیادکردووەو لەئەنجامدا
نرخەکەی بەرزبووەتەوە.
هاوکات، بە بڕیاری وەزارەتی ناوخۆی هەرێم لەچەند
شارێکی عێراق بەڵیننامە بەپێشانگاکانی ئۆتۆمبێل و فرۆشگای کەلوپەلە کارەباییەکان پڕکرایەوە
بۆئەوەی لەمامەڵە بازرگانییەکانیاندا تەنیا دراوی دینار بەکاربهێنن.
بەڕێوەبەری گشتی بەڕێوەبەرایەتی تاوانی رێکخراویش لەوبارەیەوە
دەڵێت، "ئەم هەنگاوە لەپێناو زیادکردنی خواستە لەسەر دینار و هەر کەسێک جێبەجێی
نەکات رێکاری یاسایی بەرامبەر دەگیرێتە بەر."