نرخی دۆلار لە کاتی کردنەوەی بازاڕەکانی دراودا بە ١٤٦ هەزار و ٧٥٠ دینار مامەڵەی پێوەکرا و دوای دوو کاتژمێر لە کردنەوەی بازاڕ بەهاکەی ١٥٠ دینار بەرزبووەوە و بە ١٤٦ هەزار و ٩٠٠ دینار مامەڵەی پێوەکرا.
ئەمڕۆ یەکشەممە، بەهای ١٠٠ دۆلار لە بازارەکانی هەرێمی کوردستاندا بە ١٤٦ هەزار و ٧٥٠ دینار مامەڵەی پێوەکرا.
دوای دوو کاتژمێر لە کردنەوەی بازاڕی دراو ١٠٠ دۆلار بە ١٤٦ هەزار و ٩٠٠
دینار مامەڵەی پێوەکراو بەمەش بەهاکەی ١٥٠ دینار بەرزبووەوە.
ئەوەش لە کاتێکدایە، بەبڕوای شارەزایانی ئابووری بەهۆی دواکەوتنی داواکاری
دۆلاری دەرەوە بازرگانەکانی عێراق و هەرێم پەنایان بردووەتە بەر دۆلاری ناوخۆ سەرەڕای
بەرزی نرخەکەی ئەویش خواستی لەسەر دراوی دۆلار زیادکردووەو لەئەنجامدا نرخەکەی بەرزبووەتەوە.
هاوکات، بە بڕیاری وەزارەتی ناوخۆی هەرێم لەچەند شارێکی عێراق بەڵیننامە
بەپێشانگاکانی ئۆتۆمبێل و فرۆشگای کەلوپەلە کارەباییەکان پڕکرایەوە بۆئەوەی لەمامەڵە
بازرگانییەکانیاندا تەنیا دراوی دینار بەکاربهێنن.
بەڕێوەبەری گشتی بەڕێوەبەرایەتی تاوانی رێکخراویش لەوبارەیەوە دەڵێت،
"ئەم هەنگاوە لەپێناو زیادکردنی خواستە لەسەر دینار و هەر کەسێک جێبەجێی نەکات
رێکاری یاسایی بەرامبەر دەگیرێتە بەر."