لە کاتی داخستنی بازاڕی دراوەکان نرخی ١٠٠ دۆلار بە ١٤٦ هەزار و ٤٠٠ دینار بوو بەراورد بە کاتی کردنەوەی بازاڕ نرخەکەی ٨٥٠ دینار دابەزیوە.
ئەمڕۆ پێنجشەممە، لە کاتی داخستنی بازاڕی دراوەکانی هەرێم ١٠٠ دۆلار بەرامبەر ١٤٦ هەزار و ٤٠٠ دینار مامەڵەی پێوەکرا، لە کاتێکدا لە سەرەتای کردنەوەی بازاڕ نرخەکەی ١٤٧ هەزار و ٢٥٠ دینار بوو.
پێشتر، مەزهەر محەمەد راوێژکاری دارایی سەرۆکوەزیرانی عێراق رایگەیاند، بەهۆی
زیادبوونی دیاردەی بەکارهێنانی کریدیت کارت بۆ سپیکردنەوەی پارە نا سەقامگیری لە
بازاڕی دراودا دروستبووە و بەهای دۆلار بەزربووەتەوە.
ئاماژەی بەوەشدا، بە کۆنترۆڵکردنی ئەو دیاردەیە لەماوەیەکی کەمدا بەهای دۆلار
نزمدەبێتەوە و بە هەوڵ و ڕێکارەکانی حکومەت و بانکی ناوەندی عێراق نرخی دۆلار
هاوتای نرخی فەرمی دەبێت کە هەر دۆلارێک بەرامبەر هەزار و ٣٢٠ دینارە.
هاوکات، هەر ئەمڕۆ بانکی
ناوەندی عێراق بڕی ٢١٠ ملیۆن و ٥٨٦ هەزار و ٩١٢ دۆلاری خستەڕوو کە ئەوەش بەرزترین
ئاستی ئەم ماوەی دوو هەفتەی رابردووە.
ئەمەش لە کاتێکدایە دوێنێ و ئەمڕۆ نرخی دۆلار بەرزترین بەهای ماوەی دوو
مانگی رابردووی تۆمارکرد بە شێوەیەک نرخی ١٠٠ دۆلار گەیشتە ١٤٨ هەزار و ٤٠٠ دینار.