ئاماژەی بەوەشدا، ئەم کۆنگرەیە دەبێتە هەلێک بۆ گفتوگۆکردن و نزیکبوونەوەی تێڕوانینەکانی نێوان بەرپرسەکان و بیرمەندەکان و رێکخراوە نێودەوڵەتییەکان، چونکە لە ئێستادا رووبەڕووی گۆڕانی کەشوهەوا دەبنەوە و رێژەکانی دابارین کەمدەکات و ئەوەش وایان لێدەکا شارەزاییەکانیان لەگەڵ دەوروبەر ئاڵوگۆڕ بکەن بۆ بەرەنگاربوونەوەی ئەو کێشانە.

ئەوەشی خستەڕوو، بەکارهێنانی شێواز و تەکنیکە نوێیەکان لە بەکارهێنانی ئاو و ئاودێری و کارگێڕی سەلامەتی سەرچاوە ئاوییەکان دەبێتە هاوکار بۆ زیادکردنی کارایی و باشترکردنی دۆخی هاوڵاتیان.

باسی لەوەشکرد، پێشتر محەمەد شیاع سودانی سەرۆک وەزیرانی عێراق سەردانی ئێرانی کردووە و گفتوگۆیان لە بارەی ئاو و سەرچاوەکانی ئاو کردووە لەو کۆبوونەوانەدا توێژینەوە لەسەر دۆسیە تەکنیکی و یاساییەکانی پەیوەست بە کارگێری سەرچاوەکانی ئاو کراوە.

وەزیری وزەی ئێران روونیشیکردەوە، لیژنەیەکی تایبەت بە ئاوی نێوان عێراق و ئێران دەستیان بەکارکردووەتەوە بۆ چارەسەکردنی کێشەی سەرچاوەکانی ئاو لە پێناو دابینکردنی خزمەتگوزارییەکان بۆ هاوڵاتییانی هەردوو وڵات.

ئەمە لەکاتێکدایە، نوسینگەی سەرۆکوەزیرانی عێراق راگەیەنراوێکی بڵاوکردەوە و تیایدا هاتووە، محەمەد شیاع سودانی سەرۆکوەزیران لە بەغدا لەگەڵ عەلی ئەکبەر میحرابیان وەزیری وزەی ئێران و شاندی یاوەری کۆبووەوە و لەبارەی دۆسییەکانی ئاو و وزە و بوارەکانی هاوکاری هاوبەش و چۆنییەتی پتەوکردنی ئاڵوگۆڕ و هەماهەنگی لەبارەی ئەو ئاڵنگارییانەی کە لەسەر ئاستی هەرێمی و نێودەوڵەتی رووبەڕووی کەرتی وزە دەبنەوە گفتوگۆیان کرد.

دوێنێ عەلی ئەکبەر میحرابیان بەسەردانێکی فەرمی بە مەبەستی بەشداریکردن لە کۆنگرەی سێیەمی بەغدا بۆ پرسی ئاو گەیشتە فرۆکەخانەی نەجەفی نێودەوڵەتی.