وەزارەتی تەندروستی سودان رایگەیاند، بەهۆی ئەو شەڕەی لە وڵاتەکەدا هەڵگیرساوە تاوەکو ئێستا ٥١٢ کەس گیانیانلەدەستداوە و چوار هەزار و ١٩٣ کەسیش برینداربوون.
وەزارەتی تەندروستی سودان لە راگەیاندراوێکدا ئاماژەی بەوەشکردووە، لە سەرتاسەری سوداندا بەهۆی شەڕەوە ٥١٢ کەس گیانیانلەدەستداوە کە ١٦٩ کەسیان لە خەرتومی پایتەخت بوون و دوو هەزار و ٤٠٣ کەس برینداربوون.
باسی لەوەشکردووە، وەزارەتی تەندروستی سوپای سودان و هێزەکانی پشتیوانیان
ئاگادارکردووەتەوە نزیکی نەخۆشخانەکان و شوێنەکانی دیکەی پەیوەست بە پاراستنی تەندروستی
هاوڵاتیان نەکەون و ئاسانکاری بۆ هاتووچۆی
کارمەندان و پزیشکان و پزیشکانی نەشتەرگەری بکەن تاوەکو بە ئاسانی کارەکانیان راپەڕێنن.
پێشتریش، تەندروستی سودان رایگەیاند، پاش وەستانیان لە پێشکەشکردنی
هاوکاری بۆ نەخۆشەکان لە ئێستادا خزمەتگوزارییە تەندروستییەکان لە ئاستێکی ناجێگیردان
و رێکخراوی تەندروستی جیهانی و ژمارەیەک رێکخراوە گشتییەکان لەو وڵاتە هەماهەنگییان
کردووە بۆ دابینکردنی دەرمان و کۆنترۆڵکردن و رووبەڕووبوونەوەی نەخۆشی.
ئەوەش لە کاتێکدایە، لە رۆژی ١٥ی نیسانەوە، لە
شاری خەرتومی پایتەختی سودان و چەند شارێکی دیکە شەڕ و پێکدادان لە نێوان سوپای
سودان و هێزە نیمچە سەربازییەکانی سودان سەریهەڵداوە.
سەرەڕای داواکاری نێودەوڵەتی بۆ وەستاندنی شەڕ و راگەیاندنی ئاگر بەست بەڵام
تا ئێستا شەڕ بەردەوامە.